MUXUMARTIN JATETXEA, ESPAINIAKO PINTXO ETA TAPA TXAPELKETAKO BIGARREN SAILKATUA

Espainiako Ostalaritza Elkarteak antolatutako II. Tapa eta Pintxo Txapelketa Ofiziala gaur amaitu da IFEMA Madrilen, Madrid Fusion 2024ko egoitzan. Atzo finalerdia ospatu zen estatu osoko 31 lurralde ordezkatzen zituzten 32 establezimendurekin. Finalerdia bi zatitan banatu zen eta goizeko pasean epaimahaiak Muxumartin Jatetxeari eman zion gaurko finalerako txartela.

Muxumartinek 2. postua lortu du finalean “Ogitarteko prentsatua txahalarekin pikillo eta piperrekin” pintxoarekin. Diego Postigo Sanz jatetxeko sukaldariak pintxoa aurkeztu du “gure amonak piperrekin prestatzen zituzten txahal-ogitarteko tipikoaren berrinterpretazio gisa, Donostiako pintxo formatura egokituz”.

Pintxo honekin “Pintxo Onena” kategoriako irabazle izendatu zen joan den azaroan Gipuzkoako Ostalaritza Elkarteak antolatutako Gipuzkoako  III. Pintxo, Banderilla eta Miniaturazko Sukaldaritza Txapelketan. Espainiako Pintxo eta Tapa Txapelketan, Muxumartinen parte-hartzea Gipuzkoako Foru Aldundiko Turismo Zuzendaritzak babestu du.

Sei lanak aurkeztu ondoren, epaimahaiak Ansils jatetxeko Iris Jordan Martini eman dio lehen saria, Huesca-ko ordezkaria “Uso-eskabetxeko bonboia” lanarekin.

Bigarren saria Donostiako Muxumartin jatetxeko Diego Postigo Sanzek irabazi du, “Ogitarteko prentsatua txahalarekin pikillo eta piperrekin” pintxoarekin.

Hirugarren saria ere Euskadin geratu da, “Mr. Rabbit “, Bizkaiko Kobika jatetxeko Iñigo Kortabitarte Bilbao sukaldariak jaso baitu.

Rosa Ana Morillo Rodríguez Turismoko Estatu idazkariak banatu ditu sariak, eta nabarmendu duenez, “gastronomia da daukagun turismo-produkturik jasangarriena, eta, gainera, turismoa desestazionalizatu eta dibertsifikatu egiten du, lurralde osoan 365 egunez baita turismo erakarlea”.

Bestalde, José Luis Yzuel Espainiako Ostalaritza Elkarteko presidenteak finalisten maila oso altua nabarmendu nahi izan du, probintzietako elkarteak eta haien lurraldeak bikain ordezkatu dituztelako.

Finalistak

• Iñigo Kortabitarte Bilbao – Kobika Jatetxea: ‘Mr. Rabbit ‘– Bizkaiko Ostalaritza Elkartea
• Diego Postigo Sanz – Muxumartin jatetxea: ‘Txahal-mokadutxoa pikillo eta piperrekin’ – Gipuzkoako Ostalaritza Elkartea
• Carlos Gumiel González – Biosfera jatetxea: ‘Ogirik gabeko ogitartekoa’ – Guadalajarako Turismo eta Ostalaritza Federazioa
• Iris Jordán Martín – Ansils jatetxea: ‘Uso-eskabetxeko bonboia’ – Huescako Ostalaritza eta Turismoko Enpresarien Elkarte Probintziala
• Roberto Garrido Moreno – Majareta taberna: ‘Steak tartar de ciervo con Ninyo-Yaki de sopa castellana’ – Toledoko Ostalaritza eta Turismoko Enpresarien Elkarte Probintziala
• David Fernández Piracés – Taberna-Jatetxe Gratala: ‘Mis tres cerditos’ – Zaragozako Ostalaritzako Enpresarien Federazioa